Тамақтану

1-4 сынып оқушыларының жалпы тобы 649 оқушы және 5-11 сыныптардағы әлеуметтік осал топтағы (жетім, аз қамтылған, көпбалалы)  82 оқушы тегін тамақпен қамтылды. Сынып жетекшілері және әлеуметтік педагог  тамақтану кестесінің сақталуын күнделікті қадағалап отырды.
         Сапаны Бақылау: «Бракераждық комиссия мектеп директоры бекіткен графикке сәйкес мектеп асханасына кезекті тексеру жүргізді. Тексеру нәтижесінде дайындалған тағамдардың сапасы мен мөлшері (шығысы) белгіленген санитарлық-гигиеналық нормалар мен талаптарға толық сәйкес келетіні расталды.
Бүгінгі ас мәзірі бойынша келесі тағамдар дайындалған:
- Сиыр етінен борщ
- Мейіз қосылған сәбіз
- Нан
- Каркаде
      Комиссия мүшелері тексеру барысында дайын тағамдардың дәмін, иісін, сыртқы түрін, консистенциясын бағалап, дәмін татып көрді. Тағамдар технологиялық картаға және бекітілген нормаларға сәйкес әзірленген. Тағамдардың дәмі жақсы, пісу деңгейі талапқа сай.
    Ас мәзірінің әртүрлілігі, тағамдардың энергетикалық құндылығы мен санитарлық талаптардың сақталуы мектеп медбикесі тарапынан тұрақты бақылауға алынған. Асхананың санитарлық жағдайы қанағаттанарлық, ыдыс-аяқтар мен құрал-жабдықтар таза.
         Инфрақұрылым:  Асхананың ішкі жағдайы тексерілді: үй-жай таза, жарықтандыру жүйесі талапқа сай. Асхана қажетті технологиялық жабдықтар: тоңазытқыштар, тоңазыту камералары және азық-түлік сақтайтын қоймалармен толық жарақталған. Барлық құрал-жабдықтар жұмыс істеп тұр, санитарлық талаптарға сәйкес күтіп ұсталуда. 
Комиссия шешімі: Асхананың материалдық-техникалық базасы мен санитарлық жағдайы талапқа сай.